Îmarat veberhênanê di sektora elektrîka Herêma Kurdistanê de dike

Hewlêr (K24) – Konsulê Îmaratê yê li Herêma Kurdistanê ragihand; welatê wan veberhênanê di sektora elektrîkê ya Herêma Kurdistanê de dike.

Li gor ragihandina Wezareta Elektirîkê, Konsulê Îmaratê Ehmed El Zahirî di serdana xwe ya Wezareta Elektirîkê de diyar kiriye: “Hinek kompaniyên welatê me dixwazin di sektora elektirîkê ya Herêma Kurdistanê de veberhênanê bikin û bi rêya enejiya rojê ve elektirîkê berhem bînin.”

Herwiha di daxuyaniyê de hat diyarkirin: “Wezîrê Elektirîkê Kemal Mihemed Salih amadebûna wezaretê ji bo beşdarkirina kompaniyên Îmaratê di sektora elektirîka Herêmê de nîşan da.”

Wezareta Elektirîkê bi rêya veberhênanê, 75 megawatt elektirîk bi enerjiya rojê li her sê parêzgehên Hewlêr, Silêmanî û Duhokê berhem tîne.