Ji ber peyva "Kurdistan" derbarê Parlamentera HDPê de fezleke hat amadekirin

Navenda Nûçeyan (K24) - Bikaranîna peyva Kurdistanê dibe sedema daxwaza rakirina parêzbendiya parlamentera HDPê Feleknas Uca.

Serdozgeriya Aydinê, derbarê Parlamentera HDPê ya Batmanê Feleknas Uca de, bi hinceta bikaranîna peyvên Kurdistan û bajarên Kurdistanê, dosye amade kir û daxwaza rakirina parêzbendiya wê kir.

Serdozgeriyê îdia kiriye ku "bikaranîna peyvên Kurdistan û bajarên Kurdistanê di nav gel de hizrên neyartiyê pêk tîne".

Parlamentera HDPê Feleknas Uca Tîrmeha 2020an li Aydinê beşdarî çalakiyekê bûbû û gotibû, “me xwestiye li hemû bajarên Kurdistan û Tirkiyê xwe bigihînin dayîk û xuşkên xwe.”