Leşkerekî Rûsî li bakurê Helebê hat kuştin û 4 leşkerî birîndar bûn

Navenda Nûçeyan (K24) – Otomobîleke Leşkerî ya Rûsî li bakurê Helebê hat armanckirin û di encamê de leşkerekî Rûsî hat kuştin û hejmarek leşker jî birîndar bûn.

Rewangeha Sûrî ya Mafên Mirovan belav kir, otomobîleke leşkerî ya Rûsî li ser riya Um El-Hoş û Hirbil de ber bi topbarana artêşa Tirkiyê ket û di encamê de leşkerî Rûsî hat kuştin û 4 leşkerên din birîndar bûn.

Jêderekî xwecihî ji “North Press” re ragihand, leşkerên Rûsî yên birîndar ji bo nexweşxaneya “Avrîn” a li gundewarê Helebê hatin veguhestin, piştre jî bo nexweşxaneyeke din hatin veguhestin û rewşa birînên wan nehat zanîn.

Ev yek di demekê de ye, medyaya ser bi Rêveberiya Xweser ve belav kir, artêşa Tirkiyê û çeteyên ser bi wê ve, ji şeva borî ve gundên derdora Til Rifat, herêma Şehbayê û bakurê Helebê didin ber topan û zêdetir ji 60 topî li navçeyan ketine.

Wezareta Bergevaniyê ya Tirkiyê jî di daxuyaniyekê de di diyar kir, di encama topbarankirinê de 12 şervanên YPGê canê xwe ji dest dane.