Amerîka û Holanda pêşwaziyê li diyarkirina dema hilbijartinên Parlamentoya Kurdistanê dikin
Balyoza Amerîkayê ya li Iraqê û Konsulxaneya Giştî ya Holandayê ya li Hewlêrê her yek cuda ragihandin, ew piştevaniya diyarkirina dema encamdana hilbijartinên Parlamentoya Kurdistanê dikin.
Hewlêr (K24) – Balyoza Amerîkayê ya li Iraqê û Konsulxaneya Giştî ya Holandayê ya li Hewlêrê her yek cuda ragihandin, ew piştevaniya diyarkirina dema encamdana hilbijartinên Parlamentoya Kurdistanê dikin.
Balyoza Amerîkayê ya li Iraqê Alina Romanowski di twîtekê de ragihand: “Em pêşwaziyê li daxuyaniya Serokê Herêma Kurdistanê Nêçîrvan Barzanî dikin ji bo encamdana hilbijartinan di 25ê Sibata sala 2024an de.”
Alina Romanowski her wiha dibêje: “Hilbijartineke azad û dadperwerane di dema guncaw de, ji bo demokrasiya tendirust, bingeh e.”
ترحب @USEmbBaghdad و @USCGErbil باعلان @IKRPresident نيجيرفان بارزاني عن موعد انتخابات برلمان اقليم كردستان العراق في 25 شباط 2024. انتخابات حرة ونزيهة وفي الوقت المناسب ضرورية لأي ديمقراطية سليمة.
— Ambassador Alina L. Romanowski (@USAmbIraq) August 4, 2023
Konsulxaneya Giştî ya Holandayê ya li Hewlêrê biryara Serokatiya Herêma Kurdistanê ji bo diyarkirina dema hilbijartinên Parlamentoya Kurdistanê wek biryareke girîng bi nav dike û ragihand, ew piştgiriya hilbijartineke azad û dadperwerane û giştgîr dikin, da ku welatiyên Herêma Kurdistanê bikarin mafê wan ê dengdanê hebe.
Duh Pêncşemê 3ê Tebaxa 2023an, Berdevkê Serokatiya Herêma Kurdistanê Dilşad Şehab ragihand, Serokê Herêma Kurdistanê roja 25ê Sibata 2024an wek roja encamdana hilbijartinên Parlamentoya Kurdistanê diyar kir û hemû alî raspartin ji bo encamdana rêkarên pêwîst.
An important announcement by @IKRPresident to hold Parliamentary elections in the Kurdistan Regio of Iraq on February 25 next year. We are in full support of free, fair and inclusive elections to enable all people of the KRI to exercise their right to vote.
— Netherlands in Kurdistan Region (@nlinkri) August 4, 2023
