Amara dawiyê; rêjeya tevlîbûnê di hilbijartinên civatên parêzgehan de ji sedî 41 bû

Navenda Nûçeyan (K24) – Komisyona Hilbijatinan a Îraqê radigehîne, rêjeya tevlîbûnê di her du hilbijartinên taybet û giştî yên civatên parêzgehan de 41% bû.

Roja Şemiyê, 16ê Berçileya 2023ê, hilbijartinên taybet û roja Duşemê, 18ê Berçileya 2023ê, hilbijartinên giştî yên civatên parêzgehên Îraqê li 15 parêzgehan hatin kirin.

Piştî nîvroya îro (Sêşem, 19ê Berçileya 2023ê) Komisyona Bala ya Serbixwe ya Hilbijartinan a Îraqê amara dawiyê ya tevlîbûna dengderan di her du hilbijartinên taybet û giştî yên civatên parêzgehên Îraqê de parve kir.

Li gor amarên komisyonê, rêjeya tevlîbûna dengderan 41% bû, zêdetirîn rêjeya tevlîbûna dengderan jî li parêzgeha Kerkûkê (66%) û kêmtirîn rêje jî li parêzgeha Bexda/Resafeyê (21%) bû.

Erkê civatên parêzgehan hilbijartina parêzgerî, çavdêrîkirina hikûmeta xwecihî ya parêzgehê û pejirandina pereyê pirojeyên parêzgehan e.

Rêjeya tevlîbûna dengderan di her du hilbijartinên giştî û taybetî yên parêzgehên Îraqê de:

-         Kerkûk: 66%

-         Selahedîn: 59%

-         Enbar: 57%

-         Neynewa: 53%

-         Musena: 45%

-         Diyala: 43%

-         Besre: 43%

-         Kerbela: 40%

-         Babil: 40%

-         Qadisiye: 38%

-         Wasit: 37%

-         Necef: 32%

-         Zîqar: 31%

-         Mîsan: 29%

-         Bexda/Kerx: 32%

-         Bexda/Resafe: 21%