Li Şêladizê kesek di encama bombebarana Tirkiyeyê de şehîd bû

Navenda Nûçeyan (K24) – Di encama bombebarana artêşa Tirkiyeyê li ser devera Şêladizê ya ser bi Parêzgeha Dihokê ve, kesek şehîd bû.

Artêşa Tirkiyeyê îro 18ê Tîrmehê danê sibê, bi dronan devera Şêladizê ya ser bi parêzgeha Dihokê ve bombebaran kir.

Li gorî zanyariyên peyamnêra K24ê, di encama bombebaranê, kesek şehîd bûye.

Şerê PKK û Tirkiyeyê li deverên sînorî yên Herêma Kurdistanê roj bi roj zêdetir zirarê digehîne welatiyên Herêma Kurdistanê. Ji ber wî şerî, nêzî 800 gundan vala bûne û hejmarek deverên geştiyarî li sinorê Herêma Kurdistanê wêran bûne.