Serokwezîr Mesrûr Barzanî tevlî behiya xûşka Arif Teyfûr dibe

Navenda Nûçeyan (K24) - Serokê Hikûmeta Herêma Kurdistanê tevlî behiya xûşka Arif Teyfûr dibe, herwesa serexweşiyê li binemal û kesûkarên Xudêjêraziyê dike.

Serokwezîr Mesrûr Barzanî piştî nîvroya îro (Yekşem, 15.09.2024) li Hewlêrê tevlî behiya Nahîda Teyfûr a xûşka Endamê Komîteya Navendî ya Partiya Demokrata Kurdistanê (PDK) Arif Teyfûr kir.

Serokê Hikûmeta Herêma Kurdistanê serexweşî li binemal û kesûkarên Xudêjêraziyê kir û hevxemiya xwe gehand wan û herwesa hêvî kir Xudayê mezin canê wê bi behiştê şa bike.

Arif Teyfûr bi navê binemala xwe spasî û rêz ji bo tevlîbûn û hevxemiya Serokê Hikûmeta Herêma Kurdistanê diyar kirin.