Komisyona Hilbijartinan: Rêjeya beşdariya di dengdana taybet de gihîşt ji sedî 70

Navenda Nûçeyan (K24) – Komîsyona Bilind a Serbixwe ya Hilbijartinan a Iraqê ragihand, rêjeya beşdariya dengderên taybet di hilbijartinên Parlamentoya Herêma Kurdistanê heta demjimêr 12:00, ji sedî 70 bû.

Komîsyona Bilind a Serbixwe ya Hilbijartinan a Iraqê rêjeya beşdariya dengderên taybet di hilbijartinên Parlamentoya Herêma Kurdistanê de aşkere kir, rêjeya beşdariya dengdana taybet li Herêma Kurdistanê û parêzgehên Iraqê gihîştiye ji sedî 70.

Beşdariya dengdana taybet li gorî parêzgehan:

- Hewlêr: %70

- Silêmanî: %67

- Dihok: %77

- Helebce: %64

- Neynewa: %30

- Bexda: %67

- Kerkûk: %43

- Enbar: %7

- Selahedîn: %67

- Diyala: %56

- Wast: %3

Proseya dengdana taybet bo şeşemîn xula hilbijartinên Parlamentoya Herêma Kurdistanê îro danê sibê demjimêr 07:00 dest pê kir û dê heta demjimêr 18:00ê êvarî berdewam bike.

Di proseya dengdana taybet de, zêdetir ji 215 hezar û 960 endamên hêzên navxwe, Wezareta Pêşmerge û endamên kurd ên di nava artêşa Iraqê de deng didin.