Gera pêncê ya MEPSê bi sposnsoriya medyayî ya Kurdistan24ê bi rê ve diçe

Navenda Nûçeyan (K24) – Korbenda îsal a MEPSê bi tevlîbûnê gelek berpirsên deverê, Îraqê û Herêma Kurdistanê dest pê dike.

Gera pêncê ya Korbenda Aştî û Ewlehiya Rojhilata Navîn (MEPS2024) seet 10:00 sibeha îro (În, 22.11.2024) li Zanîngeha Amerîkayî ya Kurdistanê li bajarê Dihokê, bi sponsoriya Kurdistan24ê hat destpêkirin û heta sibe (23.11.2024) berdewam dibe.

Axiftinkerên diyar li ser astê Herêma Kurdistanê:

1.    Serok Mesûd Barzanî.

2.    Serokê Hikûmeta Herêma Kurdistanê Mesrûr Barzanî.

3.    Wezîrê Navxwe yê Herêma Kurdistanê Rêber Ehmed.

4.    Berpirsê Fermangeha Peywendiyên Derve ya Hikûmeta Herêma Kurdistanê Sefîn Dizeyî.

5.    Berpirsê Fermangeha Teknolojî û Zanyaran Hîwa Efendî.

6.    Şêwirmenda Serokwezîr Mesrûr Barzanî Beyan Samî Ebdirehman.

7.    Birêveberê Giştî yê Korbenda MEPS2024ê Dr. Huner Îsa

Axiftinkerên diyar li ser astê Îraqê:

1.    Serokê Komara Îraqê Dr. Letîf Reşîd.

2.    Serokê Civata Nûnerên Îraqê Mehmûd Meşhedanî.

3.    Şêwirmendê Ewlehiya Niştîmanî ya Îraqê Qasim Arecî.

4.    Endamê Civata Nûnerên Îraqê Dr. Ela Rukabî.

5.    Serokwezîrê berê yê Îraqê Heyder Ebadî.

Ecênda û armancên panelan:

-         Çêkirina pirên peywendiyan.

-         Komkirina serkirde, berpirs û kesên din.

-         Berçavkirina hizir û rêçareyan.

-         Çarekirina qebxwaziyan.

-         Rolê welatên rojava li Rojhilata Navîn.