Peywendiyên Herêma Kurdistanê bi Şanişîna Behreynê re

Navenda Nûçeyan (K24) - Serokwezîr Mesrûr Barzanî bi merema pêşvebirina peywendiyên siyasî, aborî û bazirganî yên Herêma Kurdistanê û Behreynê gehişt Menameyê.

Serokê Hikûmeta Herêma Kurdistanê Mesrûr Barzanî û şanda pê re îro (Duşem, 09.12.2024) li ser vexwandineke fermî gehiştin Menameya paytexta Şanişîna Behreynê.

Armanca wê serdanê

Li dû ragehandina Hikûmeta Herêma Kurdistanê, Serokwezîr Mesrûr Barzanî bi merema mukomkirina peywendiyan di warên ewlehî û aborî û bazirganî de û danûstandinên li ser pêşveçûnên Rojhilata Navîn bi berpirsên bilind ên Şanişîna Behreynê re dicive, wekî Şazadeyê Cihnişîn, hejmareke wezîran, berpirsên aborî û bazirganî û çandî yên wî welatî.

Peywendiyên Herêma Kurdistanê bi Şanişîna Behreynê re

-         Li sala 2021ê, Serokê Hikûmeta Herêma Kurdistanê û Şahê Behreynê civiyan.

-         Li sala 2021ê, Serokê Hikûmeta Herêma Kurdistanê tevlî diyaloga Menameyê bû.

-         Serokê Hikûmeta Herêma Kurdistanê civîna dualî bi Şazadeyê Cihnişîn û Serokwezîrê wî welatî Şêx Selman Bin Hemed Xelîfe re hebû.

-         Serokê Hikûmeta Herêma Kurdistanê hevdîtineke dualî bi Wezîrê Derve yê Behreynê Ebdiletîf Zeyanî re hebû.

-         Li salên 2022 û 2023 û 2024ê, Serokê Hikûmeta Herêma Kurdistanê bi şandên Behreynê re li Davosê civiya.

-         Bi merema pêşxistina kertê bazirganî û aborî, Serokê Hikûmeta Herêma Kurdistanê bi her yek ji Şêx Selman Bin Hemed Xelîfe û Wezîrê Darayî û Aborê Niştîmanî û herwesa Wezîrê Pîşesazî û Bazirganî Ebdila Adil Fexro re civiya.

-         Li sala 2022ê, welatê Behreynê yek ji wan welatên kendavî bû yên ku hinarên Her;ma Kurdistanê jê re hatibûn hinardekirin.