Rêveberiya Xweser: “Komîteya Amadekar a Diyaloga Niştimanî” nûnertiya hemû pêkhateyan nake
Navenda Nûçeyan (K24) – Rêveberiya Xweser rexne li komîteya ku ji bo amadekirina diyaloga niştimanî hatiye avakirin dike û dibêje, ev komîte nûnertiya hemû pêkhateyên gelê Sûriyeyê nake û gelê Sûriyeyê vê yekê qebûl nake.
Di 11ê vê mehê de, serokatiya Sûriyeyê avakirina komîteyeke 7 kesan ji bo amadekirina Konferansa Diyaloga Niştimanî ragihand, Rêveberiya Xweser îro 15ê Sibatê di daxuyaniyekê de helwesta xwe li hember komîteyê ragihand.
Daxuyaniya Rêveberiya Xweser:
Ji Raya Giştî re
Bi hilweşandina rejîma Baas û desthilatdar re hêviyên guhertineke rasteqîn di nêzîkatî û rêbazên Şamê de nû bûn, ji bo bidestxistina daxwazên gelê Sûriyê li ser bingeh û pîvanên rast ên ku rewşa rastiya Sûriyê temsîl dikin’ û daxwazên xwe ji bo avakirina pêşerojeke xwe ya demokratîk diyar dikin, ji ber ku ev yek bû armanca giştî ya gelê Sûriyê ji destpêka tevgera siyasî û beriya ketina qada siyasî de.
Di daxuyaniya Komîteya Amadekar a ji bo Diyaloga Niştimanî li Sûriyê pîvanên sînordarkirinê nîşan da. Ev nêzîkatiya şaş a ji rastiyê û dîmenê Sûriyê bi giştî re nîşan dide, û di heman demê de kêmasiyeke eşkere di pêvajoya guhertina demokratîk a Sûriyê ya nû de nîşan dide.
Ev marjînalbûn û girtina rewşeke "girtî" bê nermî ji aliyê vê komîtê ve, metirsiya vegerandina tiştan li sîstema navendî ya kevin dike, û ev tiştê ku em ne hêvî dikin û ne jî tercîh dikin li bakur û rojhilatê Sûriyê ye.
Pêdiviya me ya îro pêwîstî bi nûnertiya rast a hemû Sûriyan "bêyî dûrxistin" heye ‘Her wiha pêşxistina zelal a pîvanên yekitî û hevpariya niştimanî ya Sûriyê, bi taybet bi berçavgirtina pêwîstiyên qonaxa veguhêz bi beşdariya rastîn û demokratîk a hemû tevgerên siyasî û sivîl û jinan, ku Nîşandana rewşa beşdariyê li Sûriyê, bêyî paşguhkirin û dûrxistina îrade û biryara nêzîkî 5’milyon Sûrî li herêmên me.
Em di Rêveberiya Xweseriya Demokratîk a Herêma Bakur û Rojhilatê Sûriyê de tekez dikin ku komîteya ku ji bo amadekirina diyaloga niştimanî hatiye avakirin komîteyek e ku nûnertiya hemû pêkhateyên gelê Sûriyê nake ‘ji ber ku daxwazên pêkhareyên li sûriyê pêk nayîne’Ji ber dûrxistina bi vî rengî ya ku ji aliyê wê ve tê kirin, ti diyalog nayê kirin, ji ber ku ev destpêka polîtîkaya marjînalkirinê ye ku Sûriye tu carî qebûl nake.
Her wiha em teqez dikin ku em bang li hemû kesên ku dixwazin Sûriye bibe yek, yekgirtî û bi hêz, bê înkarkirin û biçûkxistinê, dîmen û rastiya Sûriyeyê wekî xwe bixwînin,dikin.
Hêza welatê me yê Sûriyeyê di yekitiya gelên wê, hevgirtina wan û çarenûsa wan a hevpar de ye, ew garantiya rast a ji bo pêşerojeke demokratîk a bi hêvî, ku li gorî kevnariya gelê Sûriyê û qurbaniyên zarokên wê ye.