Mesrûr Barzanî piştevaniya xwe bo tevgera rewşenbîrî û hunerî li Kurdistanê tekez kir

Navenda Nûçeyan (K24) - Serokwezîrê Herêma Kurdistanê pêşwaziya Serokê Akademiya Kurdî dike û piştevanî û alîkariya Hikûmeta Herêma Kurdistanê ji bo tevgera rewşenbîrî û hunerî li Kurdistanê tekez kir.

Serokê Hikûmeta Herêma Kurdistanê Mesrûr Barzanî îro (Sêşem, 08ê Tîrmeha 2025ê) pêşwaziya nivîskar û rexnegirê navdar û Serokê Akademiya Kurdî Heme Seîd Hesen kir.

Li gorî ragihandina Serokatiya Hikûmetê, di wê civînê de her du aliyan dîtin û nerînên xwe li ser pêşxistina rewşa rewşenbîrî li Kurdistanê û pêşvebirina ziman û wêjeya Kurdî û bi taybetî piştevanîkirina kar û çalakiyên Akademiya Kurdî, rewşenbîr û dezgehên çandî bi giştî li hev guhertin.

Herwesa Serokwezîrê Herêma Kurdistanê piştevanî û alîkariya Hikûmeta Herêma Kurdistanê ji bo tevgera rewşenbîrî û hunerî li Kurdistanê tekez kir.