Dadgeha Federal du skalayên li ser hilweşandina Parlamentoya Kurdistanê red kirin

Navenda Nûçeyan (K24) - Dadgeha Bilind a Federal a Iraqê du skalayên li ser hilweşandina Parlamentoya Kurdistanê red kirin û amaje da ku, biryardana li ser vê mijarê ne di desthilata wê de ye.

Dadgeha Bilind a Federal a Iraqê îro (Yekşem, 21ê Tîrmeha 2025ê) li ser du skalayên girêdayî hilweşandina gera şeşê ya Parlamentoya Kurdistanê civiya.

Ew her du skala ji hêla Endama Fraksiyona Nifşê Nû li Encûmena Nûnerên Iraqê Sirwe Ebdilwahid û Endamê Gera Şeşê ya Parlamentoya Kurdistanê Omer Gulpî ve hatibûn tomarkirin.

Dadgeha Bilind a Federal a Iraqê di daxuyaniyekê de ew her du skala red kirin û amaje da ku, biryardana li ser vê mijarê ne di desthilata wê de ye.

Hilbijartinên gera şeşê ya Parlamentoya Kurdistanê li roja 20ê Cotmeha 2024ê hatin kirin û zêdetirî 70% ya dengdêrên Herêma Kurdistanê dengê xwe da. Hejmarê kursiyên partiyên siyasî bi vî rengê li jêr bûn:

Partiya Demokrat a Kurdistanê (PDK): 39 kursî

Yekîtiya Niştîmanî ya Kurdistanê (YNK): 23 kursî

Tevgera Nifşê Nû: 15 kursî

Yekgirtûya Îslamî ya Kurdistanê: 7 kursî

Tevgera Helwestê: 4 kursî

Komela Dadwerî ya Kurdistanê: 3 kursî

Bereyê Gel: 2 kursî

Tevgera Goran: 1 kursî

Hevpeymaniya Herêma Kurdistanê: 1 kursî

Kotaya Pêkhateyan: 5 kursî