Mesrûr Barzanî pêşwaziya nivîskar û helbestvan Jan Dost kir

Navenda Nûçeyan (K24) - Serokê Hikûmeta Herêma Kurdistanê pêşwaziya nivîskar û helbestvanê Kurd Jan Dost kir û pê re rola rewşenbîran di pêşxistina ziman û çanda Kurdî de nîqaş kir.

Serokê Hikûmeta Herêma Kurdistanê Mesrûr Barzanî îro (Çarşem, 26ê Mijdara 2025ê) pêşwaziya nivîskar û helbestvanê Kurd Jan Dost kir.

Di wê civînê de, bizava rewşenbîrî li Kurdistanê û rola rewşenbîran di pêşxistina ziman, edeb û çanda Kurdî de hatin nîqaşkirin.

Serokwezîrê Herêma Kurdistanê destxweşî li kar û berhemên nivîskar û helbestvan Jan Dost kir û pabendbûna Hikûmeta Herêma Kurdistanê bi zêdetir pêşxistina warên rewşenbîrî û hunerî û piştgirîkirina rewşenbîran, azadiya dîtin û nerînan û kar û çalakiyên çandî tekez kir.