Bernameya ‘Mala Kurdistanê’ li Davosê

Navenda Nûçeyan (K24) – Di çarçoveya 56emîn Korbenda Aborî ya Cîhanê de li Davosê, "Mala Kurdistanê" bernameya çalakiyên xwe yên ji bo çend rojên pêş aşkere kir ku tê de 5 panelên stratejîk li ser aborî û teknolojiyê cih digirin.

"Mala Kurdistanê" wekî platformeke navdewletî ya Herêma Kurdistanê, di nava du rojan de (20 û 21ê Çileyê) deriyên xwe li ber serkirde, mêvan û veberhêneran vedike, da ku nexşerêya geşepêdana Kurdistanê gotûbêj bikin.

Bernameya îro Sêşemê (20ê Çileyê):

Panela Yekem (Saet 11:00):

Mijar: "Avakirina li Herêma Kurdistanê: Veberhênana Navxweyî.. Geşepêdan, Astengî û Derfet."
Panelîst: Julien Harman (BOI), Roj Pêşrew (Empire World), Mistefa Bacger (Cîhan Group).
Rêveberê Panelê: Mêvan Hesen (Desteya Veberhênanê).

Panela Duyem (Saet 14:00):

Mijar: "Siberoja Zîrekiya Destkird: Ramanên Nûjen, Sînemagerî û Perwerdehiya Ciwanan."
Panelîst: Dana Wirya (Bright Winter Studio), Max Burman (KitBash3D).
Rêveberê Panelê: Melissa Steirs (MIA AI).

Panela Sêyem (Saet 17:00):

Mijar: "Perwerde ji bo Karîgeriyê: Lihevanîna Xwendin û Şiyanan ligel Daxwazên Bazara Kar a li Kurdistanê."
Panelîst: Dr. Honer Îsa (Zanîngeha Amerîkî ya Kurdistanê), Çepke Necîb Osman (CESK).
Rêveberê Panelê: George Coelho (Astanor Ventures).
 

Bernameya Sibe Çarşemê 21ê Çileyê

Panela Yekem (Saet 11:00):

Mijar: "Kurdistan ji bo Pîşesaziyê Vekirî ye: Nêrînên Stratejîk û Derfetên Veberhênanê."
Panelîst: Dr. Muhammed Şukrî (Serokê Desteya Veberhênanê), Seed Kolek (Kolek Group), Şiwan Mihemed Silêman (Gelyawa Group).
Rêveberê Panelê: Kanî Îbrahîm (Desteya Veberhênanê).

Panela Duyem (Saet 15:00):

Mijar: "Guhertina Dîjîtal û Dahênan: Nexşerêya Siberoja Kurdistanê."
Panelîst: Mark Moller (Adjetec), Alvin Wang Graylin (Stanford HAI), Dr. Garif Yalak (Cisco).
Rêveberê Panelê: Kristin Lee (Quantena.org).

Mala Kurdistanê ku bi serpereştiya Serokwezîr Mesrûr Barzanî karên xwe dimeşîne, hewl dide di vê platforma cîhanî de bala veberhêneran bikişîne ser şiyanên nûjen ên Herêma Kurdistanê û peywendiyên aborî yên herêmê bi cîhanê re xurtir bike.