نهیارانی مهراسیمی كردنهوهی پاڵهوانێتی رۆژئاوای ئاسیا سكاڵا تۆمار دهكهن
مەرجەعیەت و نوری مالکی و پارێزگای کەربەلا توڕەیی خۆیان پیشانداوە
K24 – بهغدا:
کاردانەوەکان دژی شێوەی مەراسیمی کردنەوەی پاڵەوانێتی رۆژئاوای ئاسیا لە کەربەلا تا دێت زیاد دهبن.
مەرجەعیەت و نوری مالکی و پارێزگای کەربەلا توڕەیی خۆیان پیشانداوە و پێیان وایە گۆرانی و سەما لە کەربەلای پیرۆز و شاری ئیمام حوسێن رێگە پێدراو نییە.
ھەروەھا وەقفی شیعی سکاڵای لە سەر ئامادەکارانی مەراسیمەکە تۆمارکردووە.
کچە پێشکەشکاری پاڵەوانێتیەکە، نور ماجد بۆ کوردستان24 دواو و باسی لهوه كرد، ئەوەی نمایش کراوە گۆرانی و سەما نەبووە، بەڵکو پێشکەش کردنی تابلۆیەکی ھونەری بووە بۆ سروودی نیشتمانی عێراق.
نور ماجد گوتیشی: ئەو لایەنانەی قسەیان لە سەر بابەتەکە کرد زیاتر لایەنی ئایینى بوون، زۆر باش لەوە نەگەشتبوون، ئەوە مەراسیمە، بەڵکو وا تێگەشتبوون ئەوە ئاھەنگی گۆرانی و سەمایە، بۆیە ئەمە کاردانەوەی ھەبوو، بەڵام مەراسیمەکە بریتی بوو لە تابلۆیەکی ھونەری، دواتریش کە بڵاوکرایەوە، ئەوان بۆچوونیان گۆڕا، بە تایبەت ئەوانەی زۆر دژی بوون، ئێستا ھیچ ناڵێن.