فهرماندهی ئۆپراسیۆنه هاوبهشهكانی عێراق راگهیهندراوێكی بڵاوكردهوه
حهشد كشایهوه
K24 – ههولێر:
فهرماندهی ئۆپراسیۆنهكانی عێراق، رایگهیاند، ئاسایشی ناوچهكانی دهوروبهری باڵیۆزخانهی ئهمهریكایان به تهواوی دابین كردووه.
له راگهیهندراوێكدا، فهرماندهی ئۆپراسیۆنه هاوبهشهكانی عێراق رایگهیاند، لهسهر بنهمای پابهندییهكانی عێراق به پاراستنی نێرده دیپلۆماسییهكان و باڵیۆزخانهی وڵاتان له خاكی عێراقدا، سهرۆك وهزیران و فهرماندهی گشتیی هێزه چهكدارهكان رایسپاردین به پاراستن و پارێزگاریكردن له باڵیۆزخانهی ئهمهریكا و تهواوی كارمهندانی و داواشی له خۆپیشاندهران كرد، بكشێنهوه و پهیامهكهیان گهیشت و هێزه ئهمنییهكانیش ئاسایشی دهوروبهری باڵیۆزخانهكهیان به تهواوی دابین كردووه.
ئهمڕۆ زۆرینهی ئهو ئهندام و لایهنگرانهی "حهشدی شهعبی"، كه له دوێنێوه چووبوونه بهردهم باڵیۆزخانهی ئهمهریكا له "ناوچهی سهوز"ی بهغدا پاشهكشهیان كرد و وهڵامی بانگهوازهكهی رێبهرانی حهشدیان دایهوه.
دوێنێ (سهدان) كهس له لایهنگرانی "حهشدی شهعبی" له مهراسیمی بهخاكسپاردنی تهرمی ئهو چهكدارانهی له ئاكامی بۆردومانی فڕۆكهكانی ئهمهریكا كوژرا بوون، لهبهردهم باڵیۆزخانهی ئهمهریكا خۆپیشاندانیان كرد. هێزهكانی ئهمهریكا گازی فرمێسكڕێژیان بۆ بڵاوهكردنیان بهكارهێنا، ئهوانیش له بهردهم (دوو) دهروازهی باڵیۆزخانهكه ئاگریان كردهوه.
خۆپیشاندهرهكان رهتیان دهكردهوه، بهردهم باڵیۆزخانهی ئهمهریكا چۆڵ بكهن. داوایان دهكرد، سوپای ئهمهریكا له عێراق دهربكرێت.
رووداوی ههڵكوتانه سهر باڵیۆزخانهكه له ئاستی ناوخۆیی و دهرهكی كاردانهوهی جیاجیای لێكهوتهوه.
سهرۆكایهتییهكانی عێراق داوایان له خۆپیشاندهران كرد، زیان له باڵیۆزخانهكه نهدهن و دوور بكهونهوه.
ههریهك له سهرۆكی ئهمهریكا، "دۆناڵد ترهمپ" و وهزیری دهرهوهی ئهمهریكا، "مایك پۆمپیۆ" داوایان له بهرپرسانی باڵای عێراق كرد، باڵیۆزخانهكهیان بپارێزن، رێگه نهدهن خۆپیشاندهران ههڵبكوتنه سهری.
ئهمڕۆ چوارشهممه (1ی كانوونی دووهم/ یهنایری 2020)، "حهشدی شهعبی" له راگهیهندراوێكدا، داوای له خۆپیشاندهران كرد، رێز له بڕیاری حكومهتی عێراق بگرن و بكشێنهوه.
له راگهیهندراوهكهدا ئاماژه بهوه كراوه، كه پهیامهكهیان گهیشتووه. ئێستاش بۆ رێزگرتن له شكۆی دهوڵهت و بڕیاری حكومهت بگهڕێنهوه.
لهو راگهیهندراوهدا، "حهشدی شهعبی" ههڵوێستی فهرماندهی گشتی هێزه چهكدارهكان و كهسایهتییه سیاسی، ئایینی، رۆشنبیری و میللییهكان، بهرز دهنرخێنێت كه "كاره دوژمنكارییهكانی ئهمهریكایان له دژی حهشدی شهعبی رهتكردووهتهوه".