راگەیەندراوێک لە وەزارەتی ناوخۆی حکومەتی هەرێمی کوردستان

K24 – هه‌ولێر:

وه‌زاره‌تی ناوخۆی حكومه‌تی هه‌رێمی كوردستان له‌ باره‌ی په‌لاماره‌ مووشه‌كییه‌كه‌ی ئه‌مشه‌و كه‌ كرایه‌ سه‌ر دامه‌زراوه‌ی میدیایی كوردستان24 و شاری هه‌ولێر راگه‌یه‌ندراوێكی بڵاوكرده‌وه‌.

ده‌قی راگه‌یه‌ندراوه‌كه‌

شەوی 13/12-3-2022. پاش کاتژمێر یەکی بەرەبەیانى،12 مووشەکی دوورمەودای بالیستی لە سنوورەکانی دەرەوەی عیراق, لە رۆژهەڵاتەوە ئاراستەی باڵەخانەی نوێی کۆنسولخانەی ئەمەریکی لە هەولێر کران وناوچە سڤیل نشینەکانی نزیک بارەگای کەناڵی کوردستان24 و دەوروبەری بەر هێرشەکە کەوتن، دەرئەنجام زەرەر وزیانی ماددی بەر باڵەخانە وخانووەکانی ئەو ناوچەیە کەوتووە وخۆشبەختانە هیچ زیانێکی گیانی نەبووە وتەنیا هاووڵاتییەک بە سووکی بریندار بووە وهیوای سەلامەتی و چاکبوونەوەی خێرای بۆ دەخوازین.

دەزگاکانی پۆلیس وئاسایش دەستیان بە لێکۆلینەوەکان  کردووە و دواتر ڕای گشتی لە ئەنجامەکان ئاگادار دەکەینەوە.

لە کاتێکدا ئەم هێڕشە ترسنۆکانەیە شەرمەزار دەکەین، ھاووڵاتییانی خۆشەویستی پایتەخت و خەڵکی کوردستان دڵنیا دەکەینەوە کە هەولێر ئارامە وهەر بە ئارامی دەمێنێتەوە.

وەزارەتی ناوخۆی حکومەتی هەرێمی کوردستان

13-2-2022