رێکخراوی نێودەوڵەتی کۆچ: زیاتر لە 11 هەزار هەلی کارمان بۆ خەڵکی عێراق رەخساندووە
K24 – هەولێر :
ریكخراوی نێودەوڵەتی کۆچ ئاماژە بەوە دەکات، زیاتر لە 11 هەزار دەرفەتی کاریان لە عێراق دروستکردووە، لە رێگەی سندوقێکەشەوە هاوکاری دارایی پێشکەشی دوو هەزار و 424 کار و پرۆژەی بچووک و مامناوەند کردووە.
رێکخراوی نێودەولەتی کۆچ لە راگەیاندراوێکدا ئاشکرای کردووە، لەگەڵ دانانی سندوقی گەشەپێدانی پرۆژەکان لە ساڵی 2018، هاوکاریی داراییان پێشکەشی دوو هەزار و 424 پرۆژەی بچووک و مامناوەند کردووە لە سەرانسەری عێراقدا، لەگەڵ ئەوەشدا، 11 هەزار و 217 هەلیکاریان رەخساندووە، سەرباری باشکردنی دۆخی ژیانی 12 هەزار و 980 کەسی دیکە لە ئاوارە گەڕاوەکان.
رێکخراوی نێودەوڵەتی کۆچ ئاماژە بەوە دەکات، سندوقی گەشەپێدانی پرۆژەکان، پرۆگرامێکی تازەیە بۆ پشتیوانیکردنی پرۆژەکان و رەخساندنی هەلیکار لە رێگەی بووژاندنەوەی کەرتی تایبەت و گەشەپێدانی ئابووری.