نێچيرڤان بارزانى لهگهڵ باڵيۆزى فهرهنسا كۆ بووهوه
نێچيرڤان بارزانى، سەرۆکی هەرێمی کوردستان و پاتريك دۆرێل، باڵيۆزى فهرهنسا له عێراق هيوايان خواست بانگهشهيهكى ئارام و پرۆسهى دهنگدان به سهركهوتوويى بهڕێوه بچێت.
ئێوارهى ئهمڕۆ چوارشهممه 2024/9/25 نێچيرڤان بارزانى، سهرۆكى ههرێمى كوردستان، پێشوازيى له پاتريك دۆرێل، باڵيۆزى فهرهنسا له عێراق كرد.
له ديدارێكدا، پهيوهندييهكانى فهرهنسا لهگهڵ عێراق و ههرێمى كوردستان، دوا پهرهسهندنهكانى گفتوگۆى ههولێر و بهغدا بۆ چارهكردنى كێشهكانى نێوانيان، دۆخى ههرێمى كوردستان و ههڵبژاردنى پهرلهمانى كوردستان، تاوتوێ كران.
ههردوولا هاوڕا بوون لهسهر ئهوهى دهرفهت و زهمينهى برهودانى زياتر به پهيوهندييهكانى فهرهنسا لهگهڵ عێراق و ههرێمى كوردستان له ههموو بوارهكان بهتايبهتى له بوارى ئاڵۆگۆڕى بازرگانى و ئابووريدا، لهباره. لهم بارهيهوه بيروڕايان دهربارهى دهرفهت و ههنگاوهكان و هاريكاريى هاوبهشييان، گۆڕييهوه.
له ديدارهكهدا، که كونسوڵى گشتيى فهرهنسا له ههرێمى كوردستان، ئامادهی بوو، وێڕاى داكۆكيكردن له گرنگيى ههڵبژاردن بۆ ههرێمى كوردستان، هيوايان خواست بانگهشهيهكى ئارام و پرۆسهى دهنگدان به سهركهوتوويى بهڕێوه بچێت.
دۆخى ناوچهكه بهگشتى و چهند پرسێكى ديكهى جێ بايهخى هاوبهش، تهوهرێكى ديكهى ديدارهكه بوو.
