ئێران هێرشیکردە سەر سووریا

K24 – هه‌ولێر:

سوپای پاسدارانی ئێران رایگەیاند، وەک وەڵامێک بۆ هێرشەکەی سەر نمایشە سەربازییەکەی شاری ئەهواز،  چەند مووشەکێکیان ئاراستەی رۆژهەڵاتی رووباری فورات لە سووریا کردووە.

بەگوێرەی هەواڵێکی سایتی ئاڕ تی رووسی، سوپای پاسداران لەسەر ئامانجی هێرشەکانیان دەڵێن: "هێرشەکە لە رێگای مووشەکی بالیستیک ئەنجامدراوە و ئامانجیش لێی ژمارەیەکی زۆر لە بارەگای تیرۆرستان بووە لە رۆژهەڵاتی رووباری فوڕات".

بەگوێرەی ئەو گرتە ڤیدیۆیانەی لە تۆڕە کۆمەڵایەتییەکان بڵاوکراوەتەوە، سوپای پاسداران هەشت مووشەک لە شاری کرمانشانەوە ئاراستەی سووریا دەکات، بەڵام دوانیان راستەوخۆ دوای تەقاندنیان، دەتەقنەوە.

پێشتر سوپای پاسداران، بەهەمان شێوە، هێرشی کردە سەر قەڵای دیموکراتەکان لە کۆیە و ژمارەیەک ئەندامی دوو پارتی رۆژهەڵاتی کوردستانی کردە قوربانی.

لە 22ی ئەیلوول، چەند چەکدارێک هێرشیانکردە سەر نمایشێکی سەربازیی لە شاری ئەهوازی ئێران، بەهۆیەوە 30 کەس کە زۆریان سەرباز بوون کوژران و زیاد لە 60 دیکەش برینداربوون، تارانیش بە هێرشێکی تیرۆرستی ناویبرد.

Another video of one of the rockets fired by #IRGC tonight from the province of Kermanshah, west of #Iran.@fresh_sadegh pic.twitter.com/pQmZQa6FoU

— Global News (@GlobalNewsIL) October 1, 2018

#IRGC stole billions of budget of #Iran Air Force to develop & buy what it calls precision guided Qiam-1 ballistic missiles. But they are unreliable and constantly crash. Here is video of the first Qiam-1 medium range ballistic missile crashed at #Kermanshah seconds after launch. pic.twitter.com/jES50Emvzn

— Babak Taghvaee (@BabakTaghvaee) October 1, 2018

H.J