سەرۆک بارزانی و کونسوڵی ئێران بارودۆخی سیاسیی ناوچەكەیان تاوتوێ کرد
شەممە 9ـی تشرینی دووەمی 2024، لە سەلاحەددین، سەرۆك مسعود بارزانی پێشوازیی لە بەڕێز نەسروڵڵا ڕەشنوودی، كونسوڵی گشتیی كۆماری ئیسلامیی ئێران لە هەولێر كرد، كە بەبۆنەی كۆتاییهاتنی ئەركەكانی و ماڵئاوایی سەردانی سەرۆك بارزانی كردبوو.
بارەگای بارزانی لە ڕاگەیەندراوێکدا ئەوەی خستووەتە ڕوو "لە دیدارەكەدا، ڕۆشنایی خرایە سەر بارودۆخی سیاسیی عێراق و ناوچەكە و هەروەها پەرەپێدانی پەیوەندییەكانی نێوان هەرێمی کوردستان و کۆماری ئیسلامیی ئێران دووپات كرایەوە."
هەر لە دیدارەكەدا سەرۆك بارزانی سوپاسی كونسوڵی گشتی ئێرانی لە هەولێر كرد و هیوای سەركەوتنی بۆ خواست.