کەشناسیی هەرێم: شەپۆڵێکی چڕی بەفر و باران و سەرما ناوچەکە دەگرێتەوە
بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان لە ڕاگەیەندراوێکدا هۆشداری دەدات لەوەی، کاریگەریی ئەو شەپۆڵە ساردەی ڕووی لە ناوچەکە کردووە، ئەمشەویش بەردەوامی دەبێت.
پێشبینی دەکرێت بارانی مامناوەند زۆربەی ناوچەکان بگرێتەوە و لە ناوچە شاخاوییەکان و سنوورییەکانیش بەفر بارین بەردەوام بێت.
بەپێی پێشبینییەکان، ئەو ناوچانەی ئەمشەو ڕووبەڕووی بەفر و کڕێوە دەبنەوە بریتین لە (سیدەکان، حاجی ئۆمەران، ناوچە سنوورییەکان، شێلادزێ، دێرەلووک، دەڤەری بارزان، مێرگەسۆر، پێنجوێن) و چەند ناوچەیەکی تری هاوشێوە.
ئامارەکانی بەفر بارینی ئەمڕۆ ئاماژە بەوە دەکەن کە، لە مەرزی کێلێ بڕی 35 تا 40 سانتیمەتر و لە هەڵشۆ 4 سانتیمەتر بەفر باریوە.
هاوکات، خێرایی با لە زۆربەی ناوچەکان بە چالاکی دەمێنێتەوە.
بەپێی دواین تۆمارەکان، بەرزترین خێرایی با لە ناوچە جیاجیاکان بەم شێوەیە بووە:
خەبات: 28 کیلۆمەتر لە کاتژمێرێکدا
هەولێر: 22 کیلۆمەتر لە کاتژمێرێکدا
پیرمام: 21 کیلۆمەتر لە کاتژمێرێکدا
بازیان و شەمامک: 20 کیلۆمەتر لە کاتژمێرێکدا
سۆران: 18 کیلۆمەتر لە کاتژمێرێکدا
دهۆک، ئاکرێ و مانگێش: 17 کیلۆمەتر لە کاتژمێرێکدا
هەڵشۆ: 17 کیلۆمەتر لە کاتژمێرێکدا
سلێمانی و حاجی ئۆمەران: 15 کیلۆمەتر لە کاتژمێرێکدا
کەلار و بارزان: 13 کیلۆمەتر لە کاتژمێرێکدا
زاخۆ: 11 کیلۆمەتر لە کاتژمێرێکدا
چەمچەماڵ، ئامێدی و مەیدان: 10 کیلۆمەتر لە کاتژمێرێکدا
بامەڕنی: 8 کیلۆمەتر لە کاتژمێرێکدا
هەڵەبجە: 5 کیلۆمەتر لە کاتژمێرێکدا
کەشناسی ئاماژە بەوەش دەکات، ئەو ناوچانەی لە ناوچە شاخاوییەکانەوە نزیکن، ئەگەری بەفر و کڕێوەیان زۆرە و پێویستە هاووڵاتییان و شۆفێران لە کاتی هاتووچۆ لەو ناوچانەدا وریای گۆڕانکارییەکانی کەشوهەوا بن.
