دەزگای ئاسایشی هەرێم: ئاماری هێرشە درۆنی و مووشەکییەکانی دوو رۆژی رابردووی بۆ سەر سلێمانی و کۆیە بڵاوکردەوە

دەزگای ئاسایشی هەرێمی کوردستان لە راگەیەندراوێکدا، ئاماری وردی ئەو هێرشانەی بڵاوکردەوە کە لە ماوەی دوو رۆژی رابردوودا کراونەتە سەر شاری سلێمانی و شارۆچکەی کۆیە.

چوارشەممە 18ـی ئاداری 2026، دەزگای ئاسایشی هەرێم: ئاماری هێرشە درۆنی و مووشەکییەکانی دوو رۆژی رابردووی بۆ سەر سلێمانی و کۆیە بڵاوکردەوە، گوێرەی راگەیەندراوەکە، رۆژی سێشەممە چەند هێرشێک ئەنجامدراون کە بریتین لە:

سلێمانی:  (3) هێرشی درۆنی و (2) هێرشی مووشەکی کراونەتە سەر بارەگای هێزەکانی (70)، لە ئەنجامدا دوو پێشمەرگەی سەر بە وەزارەتی پێشمەرگە بە سووکی برینداربوون.
کۆیە: کاتژمێر 3:50 خولەکی پاشنیوەڕۆ، (2) هێرشی درۆنی کراوەتە سەر کەمپی پەنابەران لە کاتی راپەڕاندنی ئەرکەکانیاندا، دوو کارمەندی ئاگرکوژێنەوەی خەلیفان بە سووکی برینداربوون.
ئاماری هێرشەکانی ڕۆژی چوارشەممە (18ـی ئادار):
ئاسایشی هەرێم ئاماژەی بەوە کردووە ئەمڕۆش هێرشەکان بەردەوام بوون:

سلێمانی:  (2) هێرشی درۆنی کراوەتە سەر بارەگای هێزەکانی (70).
کۆیە:  کاتژمێر 2:00ـی بەرەبەیان هێرشێکی درۆنی کراوەتە سەر سەنتەری شارۆچکەکە، هەروەها لە کاتژمێر 1:30ـی پاشنیوەڕۆوە تاوەکو کاتی ئامادەکردنی راگەیەندراوەکە، (6) هێرشی درۆنی کراونەتە سەر کەمپی پەنابەرانی کۆیە.
دەزگای ئاسایش جەختی لەوە کردووەتەوە، لە هێرشەکانی ئەمڕۆدا هیچ زیانێکی گیانی نەبووە و زۆربەی هێرشە درۆنی و مووشەکییەکان پێش گەیشتن بە ئامانجەکانیان، لە ئاسماندا تێکشکێنراون.