مەسرور بارزانی و کۆنگرێسمان برایان ماست دۆخی ناوچەکە تاوتوێ دەکەن
سەرۆکی حکوومەتی هەرێمی کوردستان و سەرۆکی لیژنەی کاروباری دەرەوەی ئەنجوومەنی نوێنەرانی ئەمریکا، پێشهاتەکانی ئەم دواییەی کوردستان، عێراق و رۆژهەڵاتی ناوەڕاستیان تاوتوێ کرد.
پێنجشەممە، 19ـی ئاداری 2026، مەسرور بارزانی، سەرۆکی حکوومەتی هەرێمی کوردستان و برایان ماست، ئەندامی کۆنگرێس و سەرۆکی لیژنەی کاروباری دەرەوەی ئەنجوومەنی نوێنەرانی ئەمریکا، پەیوەندییەکی تەلەفۆنییان ئەنجام دا.
ماڵپەڕی حکوومەتی هەرێمی کوردستان لە راگەیەنراوێکدا ئاماژەی بەوە دا، هەردوولا لە پەیوەندییە تەلەفۆنییەکەدا، پێشهاتەکانی ئەم دواییەی هەرێمی کوردستان، عێراق و رۆژهەڵاتی ناوەڕاستی تاوتوێ کرد.
بە پێی راگەیەنراوەکە، هەردوولا هاوڕابوون لەسەر گرنگی بەهێزترکردنی پەیوەندییەکان و پەرەپێدانی هاوکاری و هەماهەنگی دوولایەنە بۆ رووبەڕووبوونەوەی ئاستەنگەکان.