سەرۆککۆماری تورکیا، بە توندی سەرکۆنەی هێرشەکانی سەر ئێرانی کرد و رایگەیاند: کە ناوچەکە بە ئازارترین سەردەمی خۆی تێدەپەڕێنێت و "تۆڕێکی قڕکردن" کە پڕە لە رق و کینە، هەوڵی تێوەگلانی رۆژهەڵاتی ناوەڕاست لە کارەساتێکی گەورە دەدات.

سەرۆکی ئەمریکا رایگەیاند، کە پرسی دەستبەسەرداگرتن و کۆنترۆڵکردنی نەوتی ئێران وەک بژاردەیەکی جیددی لەسەر مێزی گفتوگۆکان ماوەتەوە. هاوکات ئاشکرای کرد، کە گورزی کوشندەیان لە ژێرخانی سەربازیی تاران وەشاندووە.

سەرۆکی پەرلەمانی ئێران، ستایشی توانای سەربازیی حزبوڵڵای لوبنانی کرد و رایگەیاند، کە ئەنجامدانی 87 هێرش لە یەک شەودا و وەشاندنی گورزی جۆری، نیشانەی زیندوێتی و هێزی بێوێنەی ئەو حزبەیە لە رووبەڕووبوونەوەی ئیسرائیلدا.

عەباس عێراقچی، وەزیری دەرەوەی ئێران رایگەیاند: حکوومەت و گەلی عێراق هێرشی ئەمریکا و ئیسرائیلیان سەرکۆنە کردووە و ستایشی هەڵوێستی حکوومەت و گەلی عێراق دەکەین بە پشتیوانیکردنیان لە گەلی ئێران.

پەیامنێری کوردستان24، لە کەرکووک باس لەوە دەکات، بارەگایەکی حەشدی شەعبی دووجار لەلایەن فڕۆکە جەنگییەکانەوە بۆردوومانکرا و تاوەکو ئێستا زیانە گیانییەکان رانەگەیەنراون.

ئەمڕۆ پینجشەممە، 26ـی ئاداری 2026، هێمن دەلۆ، پەیامنێری کوردستان24، لە کەرکووک رایگەیاند: لیوای 61ـی فەوجی دووی رێکخراوی بەدر، کراوەتە ئامانج و بۆردوومانکراوە، ئەم لیوایە حەشدی عەشایەرین و لە دوای ساڵی 2018 دامەزراوە، هەروەها پێش بۆردوومان فڕۆکە جەنگییەکان لە ئاسمان سووڕاونەتەوە و دووجار بۆردوومانی کردووە.

بە پێی زانیارییەکانی پەیامنيری کوردستان24، کە سەرچاوەیەکی ئەمنیی قەزای دووبز پێی راگەیاندووە، بۆردوومانەکان بە دوو مووشەک بووە، کە بارەگای لیوای 61ـی حەشدی شەعبی لە دووبز  کردووەتە ئامانج و زیانەکان تا ئێستا دیار نین.

لە کاتێکدا وەزیری جەنگیی ئەمریکا باس لە سەرکەوتنی "ئۆپەراسیۆنی تووڕەیی داستانئاسا" و پێکانی زیاتر لە 10 هەزار ئامانج لە ناوخۆی ئێران دەکات، نوێنەری ترەمپیش بۆ دانوستانەکان لەگەڵ ئەو وڵاتە ئاشکرای دەکات، کە ئاڵوگۆڕی پەیامەکان لەگەڵ تاران ئەرێنییە و ئێرانییەکان لە ژێر فشاری هەڕەشەکاندا بە دوای رێککەوتنێکی بە پەلەدا دەگەڕێن.

لە کاتێکدا وەزیری جەنگیی ئەمریکا باس لە سەرکەوتنی "ئۆپەراسیۆنی تووڕەیی داستانئاسا" و پێکانی زیاتر لە 10 هەزار ئامانج لە ناوخۆی ئێران دەکات، نوێنەری ترەمپیش بۆ دانوستانەکان لەگەڵ ئەو وڵاتە ئاشکرای دەکات، کە ئاڵوگۆڕی پەیامەکان لەگەڵ تاران ئەرێنییە و ئێرانییەکان لە ژێر فشاری هەڕەشەکاندا بە دوای رێککەوتنێکی بە پەلەدا دەگەڕێن.

سەرۆکی ئەمریکا رایگەیاند، کە لە ماوەی سێ هەفتەی رابردوودا هێزە سەربازییەکانی وڵاتەکەی گورزی وایان لە ئێران وەشاندووە کە "لە بڕوای کەسدا نییە" و جەختی کردەوە کە ئێستا تاران بەهۆی لەدەستدانی سەرکردایەتی و توانا جەنگییەکانی، داوای رێککەوتن دەکات.

ئاژانسی هەواڵی تەسنیم رایگەیاندووە، ئێران وەڵامی پێشنیازە 15 خاڵییەکەی ئەمریکای داوەتەوە و چەند مەرجێکی سەرەکیشی هەیە.