Li Silopiyê 7 welatiyên sivîl hatin kuştin
Xelkê navçeyê ditirse ku weke beriya niha qedexe dom bike
K24-Navenda Nûçeyan
Li gorî agahiyên herêmî, ji duh ve di encama topbarana hêzên ewlekariyê Tirkiyê de 7 welatiyên sivîl ku bombe li malên wan ketibûn canê xwe ji dest dan û hejmareke welatî jî birîndar bûne.
Ji aliyeke din ve hejmareke zêde ji xelkê sivîl ji aliyê hêzên ewlekariyê ve hatine desteser kirin.
Li navçeya Silopî ya Şirnexê duh, piştî ku polîsekî Tirkiyê di êrişa kesekî nenas de, canê xwe ji dest da, ji aliyê Qeymekamiyê ve li temamê navçeyê derketina derve hat qedexekirin û hêzên ewlekariyê avêtin ser malan. Xelkê navçeyê ditirse ku weke beriya niha qedexe dom bike.