DAIŞê bi hezaran kes ji gundên derdora Minbicê revandine
Ji destpêka operesyona Şehîd Ebû Leyla ya rizgarkirina Minbicê. Çekdarên DAIŞê di girtina welatiyên Kurd li gunndên Reqa û Helebê de berdewam e, bi hezaran Kurd girtine û bi dehan jî kuştine, bilî bikaranîna girtiyan mîna mertalên mirovî li eniyên şer. Herwiha bi hezaran xelk niha di bin gefa metirsiya DAIŞê de dijîn.
K24 – Minbic
Ji destpêka operesyona Şehîd Ebû Leyla ya rizgarkirina Minbicê. Çekdarên DAIŞê di girtina welatiyên Kurd li gunndên Reqa û Helebê de berdewam e, bi hezaran Kurd girtine û bi dehan jî kuştine, bilî bikaranîna girtiyan mîna mertalên mirovî li eniyên şer. Herwiha bi hezaran xelk niha di bin gefa metirsiya DAIŞê de dijîn.
DAIŞê hejmareke mezin ji gundiyên Qebasîn, Sursinbat, Til Circî, el-Birc û bajarokê Kiêba girtine û heta niha çarenivîsa wan ne diyar e. Herwiha bidehan Kurd jî li gundên Birc Esed, Qib el-Şêx, Erêma, Kawiklî, Ereb Wêran, Qar el-Kelbên û Xendûra ji aliyê DAIŞê hatine girtin.
Herwiha li herdu gundê Til Eran û Til Hasilê jî, DAIŞê 11 welatiyên Kurd revandin û çarenivîsa wan ne diyar e. Li navçeya Numan 40 terêmên sivîlan hate dîtin.
Li aliyê Ehersê ve jî, 4 welatiyên Kurd dixwastin ku xwe bigihînin deverên ku di bin kontrola HSDê de ne, lê DAIŞê ew her çar kesên sivîl kuştin.
Herwiha li bajar û gundên Ezazê jî, çekdarên DAIŞê dora yek hezar û 100 welatî revandine. 60 hezar kes jî ji wê deverê koçber bûne.