Karayilan: Tirkiye bêyî erêkirina Rusya, Îran û Suriyeyê nikare êrîşê Afrîne bike.

K24 – Navenda Nûçeyan

Rêveberê PKKyê Murat Karayilan dibêje: Tirkiye bêyî erêkirina Rusya, Îran û Suriyeyê nikare êrîşê Afrîne bike.

 Karayilan ji radyoyeke nêzikê PKKyê re axifî û bal kişand li ser egera êrîşa Tirkiyeyê ya li dijî Afrînê. Karayilan got, ger Tirkiye êrîşê Afrînê bike divê were zanîn ko Rusya rê daye Tirkiyeyê. Rusya rê da Tirkiyeyê ko Operasyona Mertala Firatê pêk bîne. Rêveberê PKKyê da zanîn ko, meseleya rojavayê Kurdistanê bûye mijareke navnetewî. Tirkiye rêyên dîplomatîk bikartîne û qereboyan dide. Beramberî vê yekê jî dixwaze bikeve li Suriyeyê û di meydanê de cih bigre. Lê Tirkiye bêyî erêkirina Rusya, Îran û Suriyeyê nikare êrîşê Afrîne bike.