nûtirîn zanyarîyên burdûmana frokeyên Turkîyayê û şehîdbûna malbatekê bitemamî

K24- Qeladizê

Evro êvarî firokeyên cengî yên Turkîyayê di burdûmanên xwe yên berdewam de bo ser deverên sinûrî yên Herêma Kurdirstanê , dû  otombên hevwelatîyan kirin armanc li gundê Berd Kurran a ser bi nahîyeya Sengeser li binara Qendîlê. Li gor zanyarîyên Kurdistan 24 di wê burdûmanê  de 4 hevwelatî şehîd bûne ku 3 ji wan şehîdan tevaya endamên malbatekê ne bi navên Ebdûllah Çawşîn, Heryad Ebdûllah û Kwêstan Ebdûllah ku bavek û kiçek û kurrek bûn û ev malbat bitemamî ji navçûn.

Herweha şeş hevwelatîyên din jî birîndar bûne ji encama wê burdûmanê û yek ji wan birîdaran piştî gehandin nexweşxaneyê ji encam giranî û dijwarîya birînê  şehîd bû û hijmara şehîdan gihişte çar kesan. Got jî tevaya wan birîndaran  jî endamên yek malbatê ne, bi navên Mehemd Ebdûllah  Alî (Bave) Melîke Mehemed Ebdûllah û Teyîb Mehemed Ebdûllah ku herdû zaroyên Mehemed in li gel Rabî Hemed dayîka wan zaroyane û Benaz Mehemed jî hevsera Mehemed.

Berê jî, Ûsman Ehmed rêvebrê nexweşxaneya Fêrkarîya Şehîdên Qeladizê bi Kurdistan24 ragehandibû, Embolans û tîmên tengavîyan li ser daxwaza xelkê hatîne şandin bo cihê bûyerê, lê ta niha nevegrîyane û nahê zanîn zyanên canî çendin û çawane?

Amaje bi wê yekê jî kir ku jûra neştergerîyan û tîma pizîşkan di amadebaşîyê de ne.