CHP konferanseke navdewletî bo krîza Sûriyê girê dide

K24 – Navenda Nûçeyan

Partiya Gel a Komarê (CHP) di derbarê çareseriya pirsa Sûriyê de îro li Stenbolê konferansek saz dike.

“Konferansa Sûriyê ya Navnetewî” dê li Stenbolê bi rê ve biçe û Serokê CHPê Kemal Kiliçdaroglu û Şaredarê Stenbolê Ekrem Îmamoglu dê gotar pêşkêş bikin.

Konferans digel piştgirîkirina hewlên navnetewî ya ji bo çarseriya Sûriyê tê de pirsa penaberan, pêşhatên Idlibê û çawaniya bidawîanîna krîza wî welatî werin gotebêjkirin.

Derbarê naveroka vê konferansê berî 3 rojan Cîgirê Serokê Giştî yê CHPê Velî Agbaba kongreyeke medyayê lidarxist û tê de diyar kir, her diçe şerê li Sûriyê kûr dibe û pêwîst e li Sûriyê çareseriyen li ser bingeha mafên mirovan bên peydakirin.

Pêştir, Serokê CHPê Kemal Kiliçdaroglu ragihandibû, ew ê her du aliyan, aliyê li dijî Serokê Sûriyê Beşar Esed û alîgirên Beşar Esad vexwînin wê konferansê, lê PYD û YPGê venaxwînin.

Hejmarek mamosteyên zanîngehê, rojnamevan û siyasetmedar dê beşdarî konferansê bibin.

S. B