Mesrûr Barzanî: Herêma aram Kurdistan ji komkujiyeke din rizgar kir
Serokwezîrê Herêma Kurdistanê Mesrûr Barzanî ragihand; herêma aram û dijefirînê, Kurdistan ji komkujiyeke din rizgar kiriye.
Hewlêr (K24) – Serokwezîrê Herêma Kurdistanê Mesrûr Barzanî ragihand; herêma aram û dijefirînê, Kurdistan ji komkujiyeke din rizgar kiriye.
Serokwezîr Mesrûr Barzanî li ser hesabê xwe yê Twitterê ragihand: “Beriya 30 salan, biryara 688 a Encûmena Asayîşa Navdewletî, bûye sedema damezirandina herêma aram û dijefirînê, ku Kurdistan ji komkujiyeke din rizgar kir.”
30 years ago, the UNSC Resolution 688 led to the no-fly zone and safe haven initiative that saved Kurdistan from further genocide. pic.twitter.com/uP2er6V4Tt
— Masrour Barzani پابەندین# (@masrour_barzani) April 5, 2021
Berî 30 salan bi biryara 688an a Encûmena Asayişa Navdewletî ya Neteweyên Yekbûyî, herêma aram û dijefirînê li Başûrê Kurdistanê hat ragihandin, bi wê yekê re jî Kurd ji êrîşên rêjîma Beis a Iraqê ya rûxandî hatin parastin.
Piştî bi dawîbûna şerê Kendavê yê duyem di sala 1991an de, Amerîka û Brîtanyaya di her du salên 1991 û 1992an de li Iraqê herêma aram ragihandin û weke herêma dijî firokeyan li bakur û başûrê Iraqê hate nasîn û ev jî ji bo parastina Kurd û Şîeyan ji zulma Bexdayê bû.
