Seroka Fedrasyona Komeleyên Kurd li Belçîka sersaxiyê li malbata Şêx Şamo û Serokwezîrê Herêma Kurdistanê dike

Navenda Nûçeyan (K24) – Seroka Fedrasyona Komeleyên Kurd li Belçîka Karîna Rashidova bo koça dawiyê ya Serokê Navenda Rewşenbîrî ya Laleşê û Şêwirmendê Serokwezîrê Herêma Kurdistanê bo Karûbarên Êzidiyan Şêx Şamo, peyameke sersaxiyê arasteyî Serokwezîrê Mesrûr Barzanî û malbata Şêx Şamo kir.

Şêwirmendê Serokwezîr bo Karûbarên Êzidiyan, Serokê Desteya Bilind a Binkeya Rewşenbîrî ya Lalişê û parlamenterê berê yê Kurdistanê Şêx Şamo, duhî 18ê Çileya 2022an ji ber nexweşiya Koronayê (Covid-19) koça dawiyê kiribû.

Peyama Seroka Fedrasyona Komeleyên Kurd li Belçîka Karîna Rashidova:

Serokê Hikumeta Herêma Kurdistanê birêz Mesrûr Barzanî

Malbata nemir Şêx Şamo

Bi dilekî xemgîn me nûçeya koça dawî ya Serokê Navenda Rewşenbîrî ya Laleşê û Şêwirmendê Serokwezîrê Herêma Kurdistanê bo Karûbarên Êzidiyan Şêx Şamo bihîst.

Birastî Şêx Şamo kaseyetiyekî niştîmanperwer bû û roleka wî ya mezin di parastina maf û daxwazên kurdên Êzdî de, herwiha bihêzkirina kultura pêkvejiyan û aştiyê de hebû.

Em weke fedrasyona komeleyên kurd li Belçîka serxweşîyê didine malbeta wî û serokatî hukumeta Herêma Kurdistanê û ji yezdanê mezin dixwazin cihê wî buhişta rengîn be.

Seroka Fedrasyona Komeleyên Kurd li Belçîka Karîna Rashidova

19ê Çile 2022 – Bruksel