Li Xaneqînê êrîşî mala kadroyekî PDKê kirin
Du kesan bi motorsîkletê nêzîkî mala kadroyekî PDKê bûne û narincok avêtine nav malê.
Hewlêr (K24) – Li nahiya Qeretepe ya ser bi navçeya Xaneqînê bo narincokan êrîşî mala kadroyekî Partiya Demokrat a Kurdistanê (PDK) hat kirin.
Berpirsê Qeretepe yê Partiya Demokrat a Kurdistanê (PDK) Kemal Îbrahîm ji K24ê re ragihand; derengê şeva borî du kesan bi motorsîkletê nêzîkî mala kadroyekî PDKê bûne û narincok avêtine nav malê.
Li gor zanyariyan; navê endamê PDKê Hesen Mihemed e û êrîş nebûye sedema ziyana canî û zirar gihîştiye beşeke mala wî.
Kemal Îbrahîm eşkere kir; hêzên ewlehiyê dest bi lêkolîna bûyerê kirine.
