Zanyariyên nû li ser destpêşxeriya Serok Barzanî
Serok Mesûd Barzanî destpêşxeriyek ji bo çareserkirina kêşeyên li ber pêkanîna hikûmeta nû ya Iraqê pêşkêş kir.
Hewlêr (K24) – Serok Mesûd Barzanî îro duşemê 31ê Çileya 2022yan destpêşxeriyeke nû ji bo çareserkirina kêşeyên li ber pêkanîna hikûmeta nû ya Iraqê û nêzkirina aliyên siyasî pêşkêş kir.
Berpirsê Dosyeya Iraqê yê li Baregeha Barzanî, Erefat Kerem li ser vê mijarê behsa naveroka destpêşxeriyê kir û ragihand; ev destpêşxerî ji bo nêzkirina aliyên siyasî ye.
Erefat Kerem li ser hesabê xwe yê Twitterê ragihand; vekişîna Hoşyar Zêbarî ji namzedbûna Serokomariya Iraqê di çarçoveya destpêşxeriya Serok Barzanî de nîne û ti gotinek li ser vê mijarê nehatiye kirin.
Çavkaniyekî ji Partiya Demokrat a Kurdistanê (PDK) jî, ku nexwest navê wî were eşkerekirin, ji K24ê re ragihand; Hoşyar Zêbarî namzedê herî bihêz e û dengê pêwîst ji bo bûna Serokomar misoger kiriye.
مبادرة الرئيس بارزاني لا تتضمن سحب هوشيار زيباري، لأنه قرار اتخذناه، فلا رجعة عنه البتة.
— Dr. Arafat Stuni (@arafat_karam) January 31, 2022