Parlamentera HDPê bang li welatiyan kir: 7ê Sibatê roja dawî ye
Parlamenter û Seroka Koma HDPê li Parlamentoya Tirkiyê Meral Daniş Beştaş jî piştgirî da kampanyaya ji bo dersa bijarte ya Kurdî.
Navenda Nûçeyan (K24) - Parlamenter û Seroka Koma HDPê li Parlamentoya Tirkiyê Meral Daniş Beştaş jî piştgirî da kampanyaya ji bo dersa bijarte ya Kurdî û bang li malbatên Kurd kir ku ji bo zarokên xwe dersa Kurdî hilbijêrin.
Kampanyaya piştgiriya ji bo dersa bijarte ya Kurdî (Kurmancî, Zazakî) her ku diçe berfirehtir dibe û piştevanî zêdetir dibe.
Parlamentera Sêrtê û Seroka Koma HDPê li Parlamentoya Tirkiyê Meral Daniş Beştaş îro li ser hesabê xwe yê Twitterê bi zaravayê Zazakî yê Kurdî peyamek belav kir û piştgiriya xwe ji bo dersa Kurdî nîşan da.
Meral Daniş Beştaş ji Kurdan xwest ku dersên Zazakî û Kurmancî ji bo zarokên xwe hilbijêrin.
Beştaş di twîta xwe de dibêje: Dersê weçîniteyî kêmî yê labelê tercîhkerdişê nê dersan muhîm o. Ma veng danê her kesî; dersanê bi Kurdkî biweçînê.
Herwiha dibêje: “Dersên bijarte yên Kurmancî ve Zazakî her çiqas ji aliyê perwerdehiya bi zimanê dayîkê ve kêm be jî, girîng e dîsa bêne tercîhkirin. Roja dawî 7 Sibatê ye em bang li hemû kesan dikim ku dersên Kurdî hilbijêrin.”
Dersê weçîniteyî kêmî yê labelê tercîhkerdişê nê dersan muhîm o
— Meral Danış Beştaş (@meraldanis) January 31, 2022
Ma veng danê her kesî;dersanê bi Kurdkî biweçînê
Kurmancî ve Zazakî seçmeli ders,anadilinde eğitim açısından yetersiz olsa da tercih etmek önemli.
Son tarih 7 Şubat.
Herkesi anadilde ders tercihi yapmaya çağırıyoruz.