Macron serdana Rûsya û Ukraynayê dike
Serokomarê Fransayê Emmanuel Macron bi mebesta çareserkirina kêşe û aloziyên navbera Rûsya û Ukraynayê, serdana wan herdu welatan dike.
Navenda Nûçeyan (K24) – Serokomarê Fransayê Emmanuel Macron bi mebesta çareserkirina kêşe û aloziyên navbera Rûsya û Ukraynayê, serdana wan herdu welatan dike.
Koşka Elysee bi daxuyaniyekê ragihand; Serokomarê Fransayê Emmanuel Macron di 7ê Sibatê de serdana Rûsyayê bike û di 8ê Sibatê de jî biçe Ukraynayê.
Emmanuel Macron diyar kiribû ku ji bo dîtina çareseriyekê ji krîza Rûsya û Ukraynayê, ew dikare biçe Rûsyayê.
Macron destnîşan kiribû ku ji rewşa Ukraynayê gelek nîgeran e û ji bo vê mijarê armanca wî ya ewil, kêmkirina aloziyê û dîtina çareseriyek li ser bingeha Rêkeftinên Minskê ye.