Mesrûr Barzanî: Ji ber başbûna nexweşên penceşêrê kêfxweş im
Di Roja Cîhanî ya Penceşêrê de Serokwezîr Mesrûr Barzanî peyamek belav kir.
Hewlêr (K24) - Serokwezîrê Herêma Kurdistanê Mesrûr Barzanî ragihand; di nava du salên borî de 81 milyon dolar ji bo 8 nexweşxaneyên çareseriya nexweşiya penceşêrê li Herêma Kurdistanê hatine xerckirin.
Di Roja Cîhanî ya Penceşêrê de Serokwezîr Mesrûr Barzanî peyamek li ser hesabê xwe yê Twitterê belav kir û diyar kir: “Ez kêfxweş im bi başbûna nexweşên penceşêrê û rizgarbûna wan ji vê nexweşiyê.”
Serokwezîr Mesrûr Barzanî di twîta xwe de amaje bi wê yekê kiriye ku ew piştevanî û alîkariya nexweşên penceşêrê dikin ji bo têkoşîna li hember vê nexweşiya û tedawiya wan.
Hikûmeta Herêma Kurdistanê 81 milyon dolar ji bo 8 nexweşxaneyên tedawiya penceşêrê terxan kirine ji bo kirîna amûr û kelûpelên pêwîst. Hikûmeta Herêmê herwiha ragihandiye ku ew alîkariyên xwe ji bo nexweşên penceşêrê didomînin.
I'm humbled by the resilience of cancer survivors, and the bravery of those fighting the illness. We are with you, and we'll help you get through it. #WorldCancerDay pic.twitter.com/jOVLUmXwB4
— Masrour Barzani (@masrour_barzani) February 4, 2022
