Dije-Terora Iraqê bi hemahengiya Asayîşa Hewlêrê 5 terorîst desteser kirin
"Pênc terorîstên ku di vê proseyê de hatine desteserkirin, ser bi rêxistina terorê ya DAIŞê ne."
Hewlêr (K24) – Dezgeha Dije-Terora Iraqê ragihand; wan bi hemahengiya ligel Asayîşa parêzgeha Hewlêrê, 5 terorîst desteser kirine.
Di daxuyaniyê de ku Dezgeha Dije-Terora Iraqê li ser rûpela xwe ya medyaya civakî ya facebookê belav kiriye, ragihand; li ser fermana Fermandarê Giştî yê Hêzên Çekdar ên Iraqê Mistefa Kazimî ji bo desteserkirina terorîstên DAIŞê û li ser ronahiya encamên hewldanên berhemdar ên serdana Serokwezîr bo parêzgeha Hewlêrê, Dezgeha Dije-Terorê bi hemahengiya ligel Asayîşa Hewlêrê, 5 terorîst hatin desteserkirin.
Herwiha di daxuyaniyê de hatiye eşkerekirin ku ew pênc terorîstên ku di vê proseyê de hatine desteserkirin, ser bi rêxistina terorê ya DAIŞê ne.
