Bi beşdariya Mesrûr Barzanî îro Konferansa Asayîşê ya Munichê dest pê dike
Biryar e Cîgira Serokê Amerîkayê Kamala Harris û Wezîrê Derve yê Amerîkayê Antony Blinken beşdarî Konferansa Asayîşê ya Munichê bibin.
Hewlêr (K24) – Serokwezîrê Herêma Kurdistanê Mesrûr Barzanî piştî serdana xwe ya Qeterê û civînên ligel rayedarên payebilind ên Qeterê, îro li Almanyayê ye û bi beşdariya 40 serokên welatên cîhanê û 100 wezîrên derve û berevanî, Konferansa Munichê birêve diçe.
Îro 58emîn Konferansa Munichê tê lidarxistin û rayedarên bilind ên welatên cuda cuda ji Ewropa û Rojhilata Navîn û Amerîkayê tê de beşdar in.
Biryar e di konferansê de Serowezîr Mesrûr Barzanî hevdîtin û civîn ligel hejmarek serok û rayedarên payebilind ên welatên Rojhilata Navîn û Ewropa û Amerîkayê bike.
Gefa terorê, rewşa asayîşa navçeyê û bihêzkirina pêwendiyên Herêma Kurdistanê ligel civaka navdewletî, mijarên sereke yên civînên Serokwezîrê Herêma Kurdistanê ligel serok û rayedarên welatên cîhanê dibe.
Herwiha biryar e Cîgira Serokê Amerîkayê Kamala Harris û Wezîrê Derve yê Amerîkayê Antony Blinken beşdarî Konferansa Asayîşê ya Munichê bibin.
