Encûmena Wezîran guftûgoyê derbarê biryara Dadgeha Federalî de dike
Sektora gaz û petrola Herêma Kurdistanê û çûna şanda Hikûmeta Herêma Kurdistanê bo Qeter û Munichê mijarên sereke yên civînê ne
Navenda Nûçeyan (K24) – Encûmena Wezîran a Herêma Kurdistanê îro dicive û biryar Dadgeha Federalî ya Iraqê ya derbarê petrol û gaza Herêma Kurdistanê û hin pirsên gotûbêj dike.
Fermangeha Medya û Zanyariyan ragihand, Encûmena Wezîran îro 23ê Sibata 2022an bi serokatiya Serokwezîr Mesrûr Barzanî û amadebûna Cîgirê Serokwezîr Qubat Talebanî dicive.
Li gor Fermangeha Medya û Zanyariyan, ev babetên li jêr dê di civînê de bêne gotûbêjkirin:
- Kurteyek derbarê encamên serdana şanda Hikûmeta Herêma Kurdistanê bo Qeter û beşdariya di Konferansa Asayîşê ya Munichê de tê pêşkêşkirin.
- Biryara Dadgeha Federalî ya Iraqê ya roja 15/2/2022 a taybet bi sektora gaz û petrola Herêma Kurdistanê.
- Reşnivîsa rojmêriya çandiniyê li Herêma Kurdistanê