Blinken: Divê peyameke me ya bihêz li dijî Putin hebe
"Bi sedan welatiyên Ukraynî ji ber bombebaranên Rûsyayê canê xwe ji dest dane."
Navenda Nûçeyan (K24) – Wezîrê Derve yê Amerîkayê Antony Blinken li ser rewşa Ukrayna û êrîşên Rûsyayê ragihand; bi sedan welatiyên Ukraynî ji ber bombebaranên Rûsyayê canê xwe ji dest dane.
Antony Blinken diyar kir; nîv milyon welatiyên Ukraynî yên ji pîr, zarok û jinan, ber bi welatên cîran koç kirine.
Blinken destnîşan kir: “Bêdengkirin li Rûsyayê berdewam e, ew xwepêşander û rojnamevanan desteser dikin, kesên neyarê sîstema Moskowê bin, têne kuştin û êşkencekirin, her raportek li dijî dagirkirina Ukraynayê were amadekirin, li dijî wê radiwestin.”
Wezîrê Derve yê Amerîkayê tekez kir: “Divê em peyameke yekgirtî ya bihêz li dijî Putin bidin û were xwestin ku bêyî şert û merc şerê Ukraynayê rawestîne.”
Blinken herwiha got: “Divê çavê me li Belarusê jî bibe ku neyarên xwe êşkence dike, di çend rojên borî de hikûmeta wî welatî xwepêşander desteser dikirin.”