Rûsya: Em ê li Kîevê êrîş bikin ser baregehên serkirdetiya Ukraynayê
Artêşa Rûsyayê gefa bombebarankirina baregehên serkirdetiya Ukraynayê ya li Kîevê dixwe.
Navenda Nûçeyan (K24) – Artêşa Rûsyayê gefa bombebarankirina baregehên serkirdetiya Ukraynayê ya li Kîevê dixwe, eger Kîev êrîşên xwe yên li bajarên Rûsyayê bidomîne.
Berdevkê Wezareta Berevanî ya Rûsyayê Îgor Konaşenkov ragihand: “Em hewl û êrîşên Ukraynayê bo ser axa Rûsyayê dibînin, eger wisa bidome, artêşa Rûsyayê dê baregehên serkirdetiya Ukraynayê yên li Kîevê bombebaran bike.”
Îgor Konaşenkov destnîşan kir: “Heta niha me xwe ji êrîşên bi vî rengî parastiye.”
Demek e artêşa Ukraynayê bi dron, mûşek û helîkopteran êrîş dike ser saziyên serbazî yên Rûsyayê, ev jî bûye sedema nîgeranbûna Moskowê.