Nêçîrvan Barzanî serdana Silêmaniyê dike

Navenda Nûçeyan (K24) – Serokê Herêma Kurdistanê Nêçîrvan Barzanî sibe diçe Silêmaniyê û di merasîma derçûyên Kolîja Serbazî Qelaçiwalan de amade dibe.

Şêwirmendê Serokê Herêmê Dilşad Şehab di daxuyaniyekê de ji K24ê re ragihand, armanca sereke ya serdana Serokê Herêma Kurdistanê Nêçîrvan Barzanî bo Silêmaniyê, beşdarbûna di merasima derçûna xwendekarên Kolîja Leşkerî ya Qelaçiwalan de ye.

Got jî: “Serokê Herêma Kurdistanê paşê dê li gel Hevserokê Yekîtiya Niştimanî ya Kurdistanê (YNK) Bafel Talebanî bicive, herwiha dê çend hevdîtin û serdanên din bo hêzên siyasî yên wî bajarî pêk bîne.”