2 zêringerên ku li Diyarbekirê bi zêrên emanet reviyabûn hatin girtin

Diyarbekir (K24) - Du endamên malbata zêringer ku bi bihayê nêzîkî 21 mîlyon lîre zêr û pereyên êmanet ên welatiyan ve reviyan bûn li Enqereyê hatin girtin.

Li Diyarbekirê di rojên borî de, malbateke zêringer ku xwediyên 3 dikanên zêrengeriyê bûn, bi bihayê 20 milyon û 800 hezar lîre zêr û pereyên êmanet ên 138 welatiyan ve revî bûn.

Li gorî agahiyan, ji 6 kesên ku dikanên zêrengeriyê birêve dibirin 2 kesên ku sernavên wan E.G û O.G ne li Enqereyê di 2yê Hezîranê hatin girtin.

Ji bo temamkirina lêpirsînê, dê polîs tawanbaran bînin Diyarbekirê. Ji bo girtina 4 tawanbarên din jî lêpirsîn berdewam dike