Serokwezîrê Herêma Kurdistanê serdana Wezareta Veguhastin û Gihandinê dike
Serokwezîrê Herêma Kurdistanê Mesrûr Barzanî di vê serdanê de, ligel Wezîrê Veguhastin û Gihandinê Ano Cewher û rêveberên wezaretê dicive
Navenda Nûçeyan (K24) – Serokwezîrê Herêma Kurdistanê Mesrûr Barzanî bi armanca agahdarbûna ji nêzîk ve ji karûbarên Wezareta Veguhastin û Gihandinê, serdana wê wezaretê kir.
Serokwezîrê Herêma Kurdistanê Mesrûr Barzanî di vê serdanê de, ligel Wezîrê Veguhastin û Gihandinê Ano Cewher û rêveberên wezaretê dicive.
Pêştir jî Serokwezîrê Herêma Kurdistanê Mesrûr Barzanî serdana her yek ji Wezareta Navxwe, Wezareta Avedankirin û Nişticihkirin û Wezareta Çandinî û Çavkaniyên Avê kiribû û di civîna ligel wezîr û encûmenên wezaretan ve, Serokwezîr tekezî li birêvebirina kar û mameleyên welatiyan kiribû.
