Nasnameya qurbaniyên êrîşa li Girkê Legê eşkere bûn
Îro droneke artêşa Tirkiyê otomobîlek li nêzîkî bajarokê Girkê Legê yê Rojavayê Kurdistanê bombebaran kir û di encamê de Hevserokên Ofîsa Dad û Çaksaziyê ya Herêma Cezîreyê Zeyneb Mihemed û Yilmaz Şêro hatin kuştin.
Navenda Nûçeyan (K24) – Îro droneke artêşa Tirkiyê otomobîlek li nêzîkî bajarokê Girkê Legê yê Rojavayê Kurdistanê bombebaran kir û di encamê de Hevserokên Ofîsa Dad û Çaksaziyê ya Herêma Cezîreyê Zeyneb Mihemed û Yilmaz Şêro hatin kuştin.
Rêveberiya Xweser a Rojavayê Kurdistanê bi daxuyaniyekê ragihand, di encama êrîşa droneke artêşa Tirkiyê de Hevserokên Ofîsa Dad û Çaksaziyê ya Herêma Cezîreyê Zeyneb Mihemed û Yilmaz Şêro hatine kuştin.
Îro sêşemê 27ê Îlona 2022yan, jêderekî xwecihî ji K24ê re ragihand, droneke artêşa Tirkiyê otomobîlek li nêzîkî gundê Til Cuman ê ser bi Girkê Legê ve bombebaran kir.
Di dema dawî de, ligel zêdebûna gefên Tirkiyê yên ji bo destpêkirina operasyoneke leşkerî li Rojavayê Kurdistanê û bakurê Sûriyê, êrîşên asmanî yên bi riya dronan li ser Rojavayê Kurdistanê û herêmên di bin kontrola HSDê de zêde bûne.
