Merasîma vekirina Yadgeha Niştimanî ya Barzanî dest pê kir

Navenda Nûçeyan (K24) – Bi serperiştiya Serok Mesûd Barzanî û amadebûna bi dehan serkirde û kesayetiyên Kurdistanî, Iraqî û biyanî, merasîma vekirina Yadgeha Niştimanî ya Barzanî dest pê kir.

Serokomarê Iraqê Letîf Reşîd, Serokwezîrê Iraqê Mihemed Şiya Sûdanî, Serokê Parlamentoya Iraqê Mihemed Helbûsî, Nûnera Taybet a Sekreterê Giştî yê Netewên Yekgirtî li Iraqê Jeanine Plasschaert, Konsulê Giştî yê Amerîka yê li Hewlêrê Irvin Hicks, Serokê Tevgera Hikme ya Niştimanî Ammar Hekîm, Serokê Herêma Kurdistanê Nêçîrvan Barzanî, Serokwezîrê Herêma Kurdistanê Mesrûr Barzanî, Serokê Parlamentoyta Kurdistanê Rêwaz Fayîq, Cîgirê Serokwezîr Qubad Talebanî û hejmareke din ji kesayetiyên siyasî û nûnerên welatan di merasîmê de beşdar bûn.

Di destpêka rêûresmê de armanca vekirina Yadgeha Niştimanî ya Barzanî hate ravekirin û belgefîlmek li ser têkoşîna Mela Mistefa Barzanî hate pêşandan.