Desteya Geştûguzarê: Di 3 mehan de 1.5 milyon geştyar hatine Herêma Kurdistanê

Navenda Nûçeyan (K24) – Desteya Geştûguzar ragihand, di sê mehên borî de zêdetirî 1.5 milyon geştyar serdana Herêma Kurdistanê kirine.

Berdevkê Desteya Geştûguzar ya Hikûmeta Herêma Kurdistanê Îbrahîm Ebdulmecîd ji K24ê re ragihand, rêjeya hatina geştyaran bo Herêma Kurdistanê zêde bûye û di heyama 3 mehên borî de zêdetirî 1.5 milyon geştyar serdana Herêma Kurdistanê kirine.

Ebdulmecîd got: Ji bilî cihên geştyarî yên bihar û havînan li deverên çiyayî yên Herêma Kurdistanê, Herêma Kurdistanê xwediyê taybetiyên geştiyariya zivistanê ye û salane bi sed hezaran geştyar ji navçeyên din ên Iraqê tên Herêmê.

Pêştir jî Seroka Desteya Geştuguzar a Herêma Kurdistanê Amal Celal ragehandibû, desteyê planek demdirêj a 8 salî û planeke mamnavend amade kiriye, bi armanca pêşwazîkirina 20 milyon geştyaran di salekê de.