Serokê Giştî yê PWKê 9 saliya damezirandina Kurdistan24ê pîroz dike

Navenda Nûçeyan (K24) – Serokê  Giştî yê Partîya Welatparêzên Kurdistanê (PWK) bi peyamekê 9 saliya damezirandina Kurdistan24ê pîroz dike û radigihîne, “Kurdistan24, weke navendeke medyayî, di azadîya rojnamegerîyê û di pêşdebirina azadîya ramanî de, belav kirina nûçe, raman, lêkolîn, document û agahdarîyên cûr be cûr de roleke girîng lehîstîye.”

Serokê Giştî yê Mustafa Ozçelîk îro 31ê Cotmehê peyamek arasteyî Rêveberê Giştî yê damezirandina Saziya Kurdistan24ê bo Lêkolîn û Ragihandinê Ehmed Zawîteyî kir û 9 saliya damezirandina Kurdistanê pîroz kir.

Peyama Serokê Giştî yê Mustafa Ozçelîk:

Rêzdar Ahmed Zawîteyî

Berpirsê Saziya Kurdistan24ê ya Lêkolîn û Ragihandinê

Kurdistan24, di navbera 9 salan de, weke navendeke medyayî, di azadîya rojnamegerîyê û di pêşde birina azadîya ramanî de,  di belav kirina nûçe, raman, lêkolîn, document û agahdarîyên cûr be cûr yên ji bo pêşde birina çanda lêborînê, pêkvejiyan, aştewayî, demokrasî, dadperwerî û parastina mafên mirovan li Kurdistanê de roleke girîng lehîstîye.

Ez li ser nave xwe û navê hemû rêvebir, endam û alîgirên Partîya Welatparêzên Kurdistanê (PWK), 9emîn salvegera  damezirandina Saziya Kurdistan24ê ya Lêkolîn û Ragihandinê pîroz dikim.

Ez hemû damezrenêr, rêvebir, xebatkar û kedkarên Saziya Kurdistan24ê ya Lêkolîn û Ragihandinê pîroz dikim û di xebatên we de serkeftinê ji we re dixwazim.

Li gel rêz û silavên xwe

31.10.2024

Mustafa Ozçelîk

Serokê  Giştî yê Partîya Welatparêzên Kurdistanê (PWK)